خطبة ابو صالح ههههههههههههههههههههههههه

هاي اخباركم وش اعلومكم
اخليكم مع القصه
كان فيه شاب ساكن هو وامه بس في بيت واحد وكان ابوه متوفي



وكانو مبسوطيين وعايشين بكل سعادة وخير مع شح وفقر ذاك الزمان



المهم امه العجوز شبت عليه وقالت له ياوليدي ورى ماتعرس


ودي تزوج علشان اشوف عيالك قبل ما اموت



وهو يقول بسم الله عليك عقب عمر(ن) طويل يووومه



المهم الحت (اصراراً )عليه ومع الضغط وافق



وخطبت له امه هاك البنيه اللي كلها ملح وبهارات بعد



الولد عقب العرس.. ماينلام استانس بالعرس... وتوافق هو وياااها الحمدلله



كل يحب الثاني ويغليه ويوده بالحيل مره



لكن المشكله عاد ب(المامي) بدت تضايقت شوي من الوضع(غارت)



>>------وهذي فطره عند اغلب الحريم الكبار خاصة مع عيالهم



بدت إذا جاء الولد عقب الظهر دايخ



من الشغل وده يتغدا وينام قبل يأذن العصر



وأول مايصك باب الغرفه هو والمره إلاّ والوالده رانعتن عليهم الباب



( تنكيد يعني) قوموا صلوا يالله


وان كان هو ما أذن تطق وتقول قومو تولموا توضوا قبل الأذان..



ورزح هالباب ماتواطنهم بالغرفه تنهبل



والولد ماغير( يقول إنا لله وانا اليه راجعون) وش جاها أمي



وتطور الوضع بدت العجيّز


إذا منّهم ناموا بالليل تطق الباب قوموا تسننوا وصلّوا صلاة الليل..



قومو أوتروا.. قوموا وقوموا..وماغير تهجدهم... وترجدهم بالليل والنهار



تنكيد وتنكيد...



المهم الولد تضايق بالحيل تنكّدت عيشته مايدري وش يسوي



الوالده صارت قشرا ماتعبّرهم داخلين بالغرفه تنهبل على طول ..

مرّه الولد كان عند رفيقن له يقالّه ابوصالح(معرووف بالعياااره)



كان يتقهوى ومع السواليف قص عليه سّالفة أمه وشكى على رفيقه ابوصالح حاله



قال ابوصالح أنا اعرف علاج أمّك زين بس طاوعنى؟؟



قال الولد تكفى اللي تبي



بس فكّنا ياشيخ



قال أجل ابقولك:نبي نسوّي خطّه أنا وأنت



بس لازم تطبقها تمام وإلا ترى تبي تخرب عليك



قال الولد.. تكفى قلي



المهم قاله الطريقه واتفقوا



يوم صار من باكر عقب العصر



جاء ابوصالح لبيت الولد وطق عليه الباب



طق طق طق


ابو فلان ابو فلان وبدا يصوّت ابوفلان



(كانت بيوت الأولين صغار بالحيل وهدوء



لدرجة ان اللي بالبيت يسمع كلام اللي بالشارع والعكس)



المهم طلع الولد قال



ياهلاااااا ابو صالح يالله حيه



ادخل اقلط تقهوا



قال ابوصالح


لاوالله يابوفلان أنا عجل بس جيت ابي منك طلب وابمشي



(طبعا رافعيين اصوااتهم علشان تسمعهم العجيّز-



وهي ماقصّرت راميه إذنها تبي تعرف وش يبي ابوصالح بولدها)



قال الولد ادخل يارجال واطلب اللّي تبي



اللّي تبي بس تقهوا



قال ابوصالح ..اللّي ابي؟؟



ماتردّن (بتشديد النون)



قال الولد: والله ما أردّك لو تبي كل بيتي واللي فيه بس ادخل..


إلاّ شي واحد ماأعطيكياه


قال ابو صالح وشّو؟؟ هالشي؟؟



قال الولد: لاتكون تبي تخطب أمي؟؟



ترى هذي اسمح لي ما أقدر ...أطلب كل شي إلاّ هذي..



قال ابوصالح وراااه؟؟ يعني وشو له



قال الولد: الله يعظّم أجرها أميمتي



تقوّمنا لصلاة العصر قبل يأذّن وتقومنا نتسنن بالليل ..



وتقومنا نوتر قبل الفجر .. وتقومنا للفجر حريصتن علينا



والله ما اقدر ابد الله يخلّيها لنا ان شاء الله


قال ابوصالح: والله الصّراحه أنا جاين أخطب الوالده أجل



قاال الولد لااااا ياخووي



أجل طس لاتقهوى ولاشي مع السلامه.. والوالده مهيب معرسه



( كل هالكلااااام والعجيّز تسمع !! ومنهبله)



راح ابوصالح والولد صك الباب



دخل الولد وإلا الوالده بوجهه قالت منهو ذااا؟؟



وش يبي؟؟؟


قال ياميمتي هذا خبل سايح وطلب منّي طلب وطردته( مابقا إلاّ هي بعد)

اسكتت وهي منقهره تبي تنفجر



وجاء الليل وناموا ولاقاموا إلاّ الضحى



وجاء الظهر وناموا وماطق عليهم أحد



والعصر جاء الولد لأمه



قال ياميمتي سلامااات؟؟



ماقوّمتينا لصلاة الفجر ولا العصر



عسى مااااشر يوومه؟؟



قاالت العجيز: قوموا أنتم عساكم للكسل مير خلاص انا منب دايمتن لكم



خخخخخخخخخ



وبدت ماتطق عليهم وافتكّو من شرّها



وهي على رجاء خطبه ابوصالح...

iههههههههههههههههههههههههههههههههههههههههههههههههه هه


بيض الله وجهك يا بو صالح جزاك الله خير


تقبل مروري

ههههههههههههههههههه ..
شكرأآ لتس يـ ام صالح

المشاركة الأصلية كتبت بواسطة عتيبي بناخي مطير

iههههههههههههههههههههههههههههههههههههههههههههههههه هه


بيض الله وجهك يا بو صالح جزاك الله خير


تقبل مروري

يسلمو بناخي مطير احلا قبيله

تحياتي الك

هههههههههههههههههههههههههههههههههههههههه

ههههههههههههههههههه
سلمتي عالقصه الجميله
ولفت انتباهي شي
ماتردّن (بتشديد النون)
^
كلام شمامره
تقبلي مروري

المشاركة الأصلية كتبت بواسطة (خاص)

ههههههههههههههههههه
سلمتي عالقصه الجميله
ولفت انتباهي شي
ماتردّن (بتشديد النون)
^
كلام شمامره
تقبلي مروري

الله يسلمك اخوي