جروووح الشعر

[راشد العبداني]

الشعر اشوف اليوم كلن تبلاه
واصبح يحرر فالورق دون معنى

اعفو عنه ياناس يكفيه ماجاه
يكفي جروحه كلهن ينزفنى

احد(ن)معه سيفه والاخر بشلفاه
ويقول انا اللي اكتب الشعر فنى

وهذاك يم البير ماتاصل ارشاه
‍واصبح يلفق بالخفى ويتغنى

حتى صغير السن جاله ملالاه
يالله يامعبود بك استعنى

واحدن عن الشهره بحث في زواياه
‍ويقول اباصل للبشر ويتمنى

يكتب غزل ويصيح ياكبر بلواه
‍يقول خلي مادرى اليوم عنا

جوالها مقفل ونا مقدر انساه
‍وراح يتندم ليتنا ماشحنى

عبر الصحافه راح ينشر خفاياه
‍حتى الفضى معهم فزع ماتونى

والمنتدى رحب وهلا بمن جاه
‍تعال يامبدع تراك انت منا

واذا كتب له حرف قالو يامحلاه
تراك يامجنون شاعر وطنا‍

ياشعر هون وادع ربك معافاه
وان طبت حنى معك ياشعر طبنا

مع احترامي للرجال المسماه
اللي لهم بالشعر معنى ومغنى

ولاقول انا شاعر ولامثلي اشباه
‍تصوير من واقع وبالعين شفنا

[ابن وايل]

يعطيك العافيه اخوي العبداني

[ماجد العضيله]

مشكور اخوي العبداني على النقل الرائع