راشد العبداني
29-Mar-2007, 12:31 AM
حبيب العازمي وسلطان الهاجري
حبيب:
ابو خد من المكياج يوضـي كنـه المشهـاب يماري بالذلول اللـي بليـا خـرج وشـدادي
وانا والله ماحب الزحرفه والمظهـر الكـذاب اجيب الراي من راسي واشب النار بزنـادي
سلطان:
عليه الله واكبر بالعصا والرمـح والمشعـاب ونار الحق مشبوبه ونـور الصبـح منقـادي
يقولون العرب ماتحمي الميسم بدون اسبـاب وانا ماني براعي صدفة مـن دون ميعـادي
حبيب:
هلا يامرحبا يالهاجري واطلع على المرقـاب ومد الشوف وتشوف الجمال الحمر في الوادي
ولاتنشد ليا ضاعت جمال حمر عـوج رقـاب ترى مالك جمل غادي وانا مالي جمل غـادي
سلطان:
يدوم الك البقا والعلم بين الدقـن والاشنـاب لكن البس ولبسني ثيـاب بيـض وجـدادي
نجوم الليل ياحبيب حسبناها بـدون حسـاب وعدينا السنه بشهورهـا هجـري وميـلادي
حبيب:
تبا تلبس ثياب العيد وتكبر علـى المحـراب وانا واياك فيما فات نحضـر كـل الاعيـادي
دخلت القبه الخضراء ولاتقفل عليـك البـاب وانا اوحيت المنادي والمنادي دونـه منـادي
سلطان:
تحياتي على الحضار واشواقي على الغيـاب مثل مستور بن تركي وصياف بـن عـوادي
ياسواق السفينه سرها واحذر علـى الركـاب ترى موج البحر لاهاج يغرق عفش الاجوادي
حبيب:
ابوزيد الهلالي يعلم ان الرمـح رمـح ذيـاب ولايقض الطلب هرجه علـى دلـه وبـرادي
سفينة نوح مامونه من التفجيـر والارهـاب ولوكان البحر موجه يدف السيف من غـادي
سلطان:
حقوق الطبع محفوظه عن الدجال والنصـاب وهداف البطوله ياخذ الخبـره مـن النـادي
الا ياللي بنيت البيـت بالعمـدان والاطنـا ب مايربطنا معك ياكود حـق الملـح والـزادي
حبيب:
ابو خد من المكياج يوضـي كنـه المشهـاب يماري بالذلول اللـي بليـا خـرج وشـدادي
وانا والله ماحب الزحرفه والمظهـر الكـذاب اجيب الراي من راسي واشب النار بزنـادي
سلطان:
عليه الله واكبر بالعصا والرمـح والمشعـاب ونار الحق مشبوبه ونـور الصبـح منقـادي
يقولون العرب ماتحمي الميسم بدون اسبـاب وانا ماني براعي صدفة مـن دون ميعـادي
حبيب:
هلا يامرحبا يالهاجري واطلع على المرقـاب ومد الشوف وتشوف الجمال الحمر في الوادي
ولاتنشد ليا ضاعت جمال حمر عـوج رقـاب ترى مالك جمل غادي وانا مالي جمل غـادي
سلطان:
يدوم الك البقا والعلم بين الدقـن والاشنـاب لكن البس ولبسني ثيـاب بيـض وجـدادي
نجوم الليل ياحبيب حسبناها بـدون حسـاب وعدينا السنه بشهورهـا هجـري وميـلادي
حبيب:
تبا تلبس ثياب العيد وتكبر علـى المحـراب وانا واياك فيما فات نحضـر كـل الاعيـادي
دخلت القبه الخضراء ولاتقفل عليـك البـاب وانا اوحيت المنادي والمنادي دونـه منـادي
سلطان:
تحياتي على الحضار واشواقي على الغيـاب مثل مستور بن تركي وصياف بـن عـوادي
ياسواق السفينه سرها واحذر علـى الركـاب ترى موج البحر لاهاج يغرق عفش الاجوادي
حبيب:
ابوزيد الهلالي يعلم ان الرمـح رمـح ذيـاب ولايقض الطلب هرجه علـى دلـه وبـرادي
سفينة نوح مامونه من التفجيـر والارهـاب ولوكان البحر موجه يدف السيف من غـادي
سلطان:
حقوق الطبع محفوظه عن الدجال والنصـاب وهداف البطوله ياخذ الخبـره مـن النـادي
الا ياللي بنيت البيـت بالعمـدان والاطنـا ب مايربطنا معك ياكود حـق الملـح والـزادي