تركي 2000 محااااااااااوره غيررررررررر

[ريال مدريد]

السلام عليكم روحمة الله وبركاته

محاورة بين تركي الميزاني وسفر الدغيلبي
__________________________________________________ ________

سفر الدغيلبي

سلام الله على اسم تعتزيبه عزوة المطـران
ليل ذكر الدويش ابدت مطير السمع والطاعة

تشرفنا وزادتنا تشـرف دعـوة الدوشـان
وحمانا الله ونجانا مـن الشيطـان واتباعـه

تركي 2000

هلا يامرحبا وانته وانا في ساحة الميدان
وهذي ساعة ياصاحبي تسوى مية ساعة

كتبت لك الرساله والرساله تحمل العنوان
تمعن بالحروف ولاتجي في قلبك الراعه


سفر الدغيلبي


نبي نجرد سيوف المعركه بسم الله الرحمن
سيوف للحـم والعظـم قطاعـه وبتاعـه

كتبت اسمك وعنوانـك علـى الشرطـان
شريـطٍ تـروج بيـن شرايـه وبيـاعـه


تركي 2000


الى منك صملت ابشر بنارٍ مالها دخـان
لوني مانصحك بالحرب لو النفس طماعه

يابن برقا على هونك وقدمها على البرهان
ترا ماكل رجالا يجيب الكسـب بذراعـه


سفر الدغيلبي

ثلاث شهور وانته غايبٍ عن شيت النيران
لكن اجمع حطب نارك وولعهـا بولاعـه

اشوفك تلتفت لفلان ذاك وتلتفـت لفـلان
حصان مطير مدري وين مصيافه ومرباعه


تركي 2000


ثلاث اشهور احد القوم وانت تطرد الضبان
وضبٍ تمسك يدينه وضب تسحب كراعـه

اشوفك تشتكي وتقول انا جايع واناضميـان
واخاف انك تحول في قليبـا مالهـا قاعـه


سفر الدغيلبي


اصيد الضب ولي يشبهه من ساير العربان
ياتركي دام هذي حجتك يا ضيعت الضاعه

اذا جيت اشتكي لك لاتسميني من العتبـان
وانا الي في يدي الخير باشكاله وبنواعـه


تركي 2000


الايطير كيف تطير وانت مكسر الجنحـان
يبا يقشعك ابو مكشاع ويصيـدك بمقشاعـه

تقوله يالعتيبي وانـت لارابـح ولاكسبـان
سوات الزورق الي بالبحر يومي به شراعه


سفر الدغيلبي

تكلم بالكلام الي يناسب ياولد ميـزان
حناجيرك وراها للعلوم العوج بلاعه

الاياراعي الدكان شكرا قفل الدكـان
تراني تاجرا من براضي بايت بضاعه

تركي 2000

احدك للكلام الزين وانت تطمر الجـدران
سوات الورع مايسكت يالين اعطيه رضاعه

[هذال2000]

محاوره مميزه
وصحت السنتهم الشعار وكلهم مميزين
طاااااب نقلكـ اخوي

[عاشق وهم]

سفر يقول:
ثلاث شهور وانته غايبٍ عن شيت النيران
لكن اجمع حطب نارك وولعهـا بولاعـه
شوفوا رد تركي عليه:
ثلاث اشهور احد القوم وانت تطرد الضبان
وضبٍ تمسك يدينه وضب تسحب كراعـه

طبعا المعنى شاعر المليون حينما شارك فيه شاعرنا تركي الميزاني
ورد قوي وفالصميم والحفلة هذي بالذات تفوق فيها تركي على سفر الدغيلبي وكانت بحضور زيد بن سلمي ومستور العصيمي.....
ولاهنت اخووي ع المحاورة الرائعة وتقبل مروري...

[مطيرية قوية]

مشكورعلى النقل محاورة قويه

[ام القمر]

مشكور يا اخوي ع هذه المحاورة الاكثر من رائع وصح لسان سفر وتركي عن صدق شعراء عمالقه
تحياتي لك
\ام القمر مرت من هنا

[: ترف الطيش :]

صح لسان تركي 2000
لآهنت

[ريال مدريد]

يسلمــــــــــــــــــــــو على المــــــــــــــــــــــــــــرور

[تولين]

وعليكم السلام
صح لسان الشاعريين
محاوره رائعه
لاهنت على النقل.

[(خاص)]

طاروق قمه من سفر وتركي
لاهنت اخوي عالنقل
تقبل مروري

[نواف الفين]

محاوره مميزه
وصحت السنتهم الشعار وكلهم مميزين
الله لايهينك يا ريال مدريد