محاورة ديارالموازين تركي وملفي وسوار الدهب

[بنت شيوخ وكلي فخر]

قبل اسبوعين تقريبا في ديار الموازين ( ثرب وضواحيها )

حضرها ثلاثة شعراء

تركي 2000 , ملفي المورقي , سوار الذهب ( عبدالله الميزاني ) .














وكانت أول محاورات تركي مع ملفي المورقي :



ملفي المورقي

سلام تسليمـن يعـم الموازيـن = جيران وأصحاباً عزاز وعواني
لكن سرى الليل ياتركي ألفيـن = وبيني وبينك طيبـات المعانـي



تركي 2000

يامرحبا ترحيبتـن فالهـا زيـن = من صافي النيه ومنطق لسانـي
عطني علومك والخواطر دواوين = لكـن عشـرك لاتعـود ثمانـي


ملفي المورقي

مدر البعير اللي توجه على فين = هذي طبيعه فالبعير العمانـي
علامةً ياصاحبي بين قوسيـن = ماأظن تمحيها ظروف الزماني



تركي 2000

ماني بقناين لبعض البعارين = اللي ماتمشي غير بالخيزراني
لا والله الا ساع ماشافت العين = وأستر بالي ياطويل اليمانـي



ملفي المورقي

ماراح فالجمعه يجي يوم الاثنين = ويصير له عند الجماعه مكاني
أقول لك من صبح وتقول بعدين = أنظر بعينك وأستمع با الاذانـي



تركي 2000

لا أقفيت مانـي تابـعً للمقفيّـن = لوكان أعدك واحداً من خوانـي
العلم عندي يالرجـال المسميـن = أخذه وسلم لي على أهل المحاني



ملفي المورقي

العاطفه تاخـذك والرفـق والليـن = لين الرشاء اقفت به ظهور المحاني
مال الامانه غيـر نـاس مواميـن = ماتنعطي ياصاحبي شخص ثانـي



تركي 2000

كلمتك هذي ماعليها براهيـن = لوكان ياملفي تـزف التهانـي
بكره ليا ثارت عليك البراكين = ضاعت علومك كلها في ثواني




ملفي المورقي

أقول عان الجدي خير العناوين = وأتقول لا بالله سهيل اليمانـي
نجمن يطوع ماردين الشياطين = ماهو غريب انه يشيل المباني


تركي 2000

العام سيفي ضاع بين السكاكيـن = واليوم سيفي ياابيض الوجه جاني
ترى السنه عيدين واليوم عيديـن = عيد كما الاضحى وعيد رمضاني




ملفي المورقي

وشلون سيفك مع سيوف السلاطين = اللي مضاربهـا تقـص المثانـي
الله يثبتنـا علـى الحـق والديـن = دنيـاك هـذي ماعليهـا ضمانـي




تركي 2000

يالمورقي وليـت واحضـك الشيـن = حتى أيش لو تصهل صهيل الحصاني
علم بني حضـرم تصـك الدكاكيـن = مـا عـاد ينفعهـم فـلان وفلانـي













المحاورة الثانية بين تركي 2000 وسوار الذهب ( عبدالله الميزاني )






عبدالله الميزاني

يالله اللي عليك الحال والاتكـال = أعقل الذاهبه وأرحـم مداويرهـا
غن يابن عطاالله والمناقش جـدال = من لقى عين زمزم من حفر بيرها



تركي 2000

المخاليق في حكمة عزيز الجلال = يوم الايـام ماتومـن مقاديرهـا
المناقش ماهو ممنوع بين الرجال = وأنت عندك علوماً مانبي غيرهـا



عبدالله الميزاني

الفلك مهد مابين اليمن والشمال = بعض الايات مايحتاج تفسيرهـا
مايكثر شحمك الا الطعام الحلال = مايغش الطيـور الا حناجيرهـا



تركي 2000

طال صبري وانا ادورك والصبر طال = واتعبتنـي جهينـه مـع مشاويرهـا
ياموصي عسى عندك من المال مال = شر الايام لايضحـك علـى خيرهـا



عبدالله الميزاني

نوب أنا أزعل عليكم واقطع الاتصال = اكره الدبدبـه وأكـره معاصيرهـا
أنت ياحلو ماتبلش على كل حـال = كل ماألغي قنـاه تعيـد تصويرهـا



تركي 2000

الزعل وش تبي به ياكريم السبال = خلها تمشي الدنيا علـى سيرهـا
مايشيل الحمول الا ظهور الجمال = يوم بعض العرب تبدي معاذيرها



عبدالله الميزاني

صاحبي مايشجعني على الانفعال = والروافض يجيز الشرع تكفيرها
ماتت أم البنات وعاشت ام العيال = علم البدو لاتتعـب مظاهيرهـا



تركي 2000

أنت أشوفك تحسب أن الحقيقه خيال = لـو تعبـر بهـا يتعبـك تعبيرهـا
لاتزال الهقـاوي دونهـا لاتـزال = والملفـات ماسحـبـت تقاريـرهـا




عبدالله الميزاني

أطول آيات قرن الثور والا الغزال = والامارات تضحكني مناصيرهـا
أنت موقوف بين الشك والإحتمال = يعني القدس مايعنيـك تحريرهـا




تركي 2000

لو تعرف الاجابه ماطرحت السوال = مايغـش العقـول الا تفاكيـرهـا
كان ودك تجاهد يابن غازي تعـال = أعمر القـدس والا زيـد تدميرهـا



عبدالله الميزاني

لاتصب الغروب ولا تلف المحـال = لعنـةً لليهـود ولحـم خنزيـرهـا
اشهد أنك ولد صاحي ومضرب مثال = يوم تتعب على الكلمـه وتكريرهـا



تركي 2000

لو الايام تكشف غيب سود الليال = كان ماغنت الدنيا علـى زيرهـا
لو أعدلك أظنك ماتحب العـدال = كل غبة بحر ترمـي بوابيرهـا

[باسم الشلاحي]

صح لسانهم كلهم انشهد محاورة طيبه

[خالدالعبدلي]

محاوره في القمه ومعاني حلوه

[فتى شمر]

صح السنتهم

شكرا لكً

[(خاص)]

لاهنت عالمحاوره اخوي
تقبل مروري

[حلاوة الايمان]

يعطيك العافيه على انقل الرائع

[ღturkiღ]

صحّت آلسنتهم
يعطيك آلعآفيه ع آلنقل ،

تحيآتي

[عذب المــعاني]

الله واكبر عليك يا سوار الذهب

[عاشق الصمان]

صصحت آلسنتهم


آبدآآآع وتآلق من الجميع


يعطيك العافيه
تحيتي

[تولين]

صح السنتهم
الله يعطيكٍ العافيه
لاهنتٍ.

[تركي مداء الحياه]

صح لسان- تركي الميزاني

صح لسان- عبدالله الميزاني

صح لسان- ملفي المورقي

صح منقولك الراقي ولاعدمناك

والله والى التوفيق والسداد

[ريال مدريد]

شكررررررررررررررررررررا على المحاوره الرائعه

[شبــيه الريـــح]

صح السنتهم

يعطيك العافيه على النقل المميز

تحياتي وتقديري..

[ريال مدريد]

محاوره جميله يعطيك العافيه

[ابوجاسم المطيري]

يعطيك العافية

[المخلفي]

--------------------------------------------------------------------------------

صح السنتهم

شكرا لكً


--------------------------------------------------------------------------------

صح السنتهم

شكرا لكً


--------------------------------------------------------------------------------

صح السنتهم

شكرا لكً