اقراااااااااااااء محاوره تركي 2000 وعلي بلال اليامي

[روحـ لكـ الله]

هذه المحاورة جرت في عام 2004 في شهر اكوتبر قبل شهر رمضان بين الشاعرين علي بن بلال الفطيحي الوعيلي ( ابو سلطان ) وبين الشاعر تركي الميزاني المطيري الملقب بـ ( تركي 2000 )




سلام ردية على اللي قدرهم عندي كبيـر
أصحابنا اللي من مكارمها تعز أصحابهـا
والمعرفة من بيننا في الوقت الاول والاخير
واللحية اللي ماتنومس ما تعـز أشنابهـا






يا مرحبا عن يام في مقدم مطيري من مطير
والملعبة تعرفك يـا تركـي وأنـا بوابهـا
والعزوه اللي تطحن البارود في ظهر البعير
ما زَعلت رجـال يعطـي العافيـة طلابهـا




دام البقا وأنا أدري إنك فيك شـر وفيـك خيـر
والخيـل مـن خيالهـا والنـار مـن شبابهـا
يا كثر ما يطري على الخاطر وفي وسط الضمير
والمشكله في الغيبه اللي ما نعـرف أسبابهـا






وأنتم كذلك ما عليكم زود من وقت خطير
ربعك مطير اللي تثني في المناخ اركابهـا
والوقت هذا تعرفه مثل الرحى اللي تستدير
مالك ومال عيال يام اللي طويل غيابهـا






إركابنا من دونها البارود والسيف الشطير
إليا جلسنا للجمال اللـي تعـوج ارقابهـا
وأنت من أول يا علي من خبرة الدنيا خبير
واليوم عينك ما نشوف الا سواد اهدابهـا




يا طيبكم ما ذمكم ولكن وينه هو الامير
اللي ما يصبح في بلاد القوم لو أمسابها
يا تركي الـ2000 لنعود بليس لك خشير
بأعلمك بالحكمة اللي مـا تعلمنـا بهـا






أثرك يا ابن بلال ما تذكر وتنسى اللي يصير
تبنى خيامك ما دريت ان البلا في أطنابهـا
قال المثل عيب البعير إليا رغا بعد الهديـر
في الديره اللي لا يموت بها ولا يحيا بهـا






بكره تبى تصحا وتدري بالكبير من الصغيـر
إن المعانـي دلـة صفـرا وأنـا شرابهـا
وبعض الاوادم ما يعرفون الجمال من الحمير
هذا بلاي اللي سواتي ما يحسـب إحسابهـا






آخر زمانك ما تعرف إيش القليل من الكثير
والدلـة أم الهيـل يـا شرابهـا صبابهـا
أهل السفارة قفولها ما بقـا فيهـا سفيـر
قامت تحاوفها الذياب اللـي تحـد أنيابهـا






العام جاء واحد من البدوان فاقد له بعير
يقول حمران النواظر ضمتـه لركابهـا
إفهم قبل ما إترك في ليل عبوس قمطرير
تنظر الى بعض النجوم اللي طوال أذنابها






الشك زايل والصقور الكل بجناحه يطيـر
والكلمة القشرا توقع في طرف من جابها
محد(ن) خبرك تجنب الجنه وتنصا زمهرير
وأنته تعرف النار ما تصير على مشهابها






أثرك يا تركي غشيم ولا يزعزعك النذير
ما تعلم إن شاعر معاصير الدول غنا بها.

[طناخة راس]

[ويــن إبيآت تركي ويــن إبيآت اليـآمي ]

[فوز وكلي ذوق]

مشكور لاهنت
وصح لسان تركي
تقبل مروري

[ولد شعيفاني]

مشكور

والله يعطيك العافية ع النقل

[تر(الله يسامحني)كي]

صح السان ابو رهف

ولاهنت على النقل

[سلطان العوني]

مشككووووووور والله يعطيك العاافيه لاهنت

[مفرح]

صح السان ابو رهف

ولاهنت على النقل

[فتى نجران]

[ويــن إبيآت تركي ويــن إبيآت اليـآمي ]

انت صادق ولا تمزح

[ღturkiღ]

صحت آلسنتهم

مشكوِرِ آخوِي -» فتىآ نجرِآن ع آلنقل

تحيآتي

:

[فتى شمر]

الى بدا تركي والى ختمها علي


عالعموم مشكور وماقصرت ودنا فيها صوتية اوفيديو .

لاهنـت

[ابن ضاوي الشاطري]

مشكووووور لاهنت وصح لسانك ياتركي

[بنت شيوخ وكلي فخر]

كفووووووووووووووووووو يابونايف

[.. صقر الجش ..]

صح لسان تركي

تقبل مروري

[لحظة عجب]

تسلم على النقل

وسلمت يمينك

[.. صقر الجش ..]

صح اللسان شاعرنا تركي 2000وعلي اليامي
يعطيك العافيه تقبل مروري

[عبدالله البديري]

لاهنت ويعطيك العافية,,,,!

[المخلفي]

--------------------------------------------------------------------------------

صح لسان الشاعر/تركي وشاعر يـــــــــــــام

الله يعطيك العافية على النقل
تسلم..


ــــــــــــــــــــــــــــــــــــــــــــــــــ ــــــــــــــــــــــــــ