يوم الركايب عقبن خشم آبانات

[راشد العبداني]

السلام عليكم

اخترت لكم من القديم الممتع

من روائع الشاعر العذري

عبد الله ابن سبيٌل الباهلي


يوم الركايب عقبن خشم آبانات= ذكرت ملهوف الحشا من عنايه
أخذت لي في ماضي العمر سجات= يوم الهوى قايم وأنا أتبع هوايه
يوم أن لي مع تلع الأرقاب صرفات= أبيع وأشري بينهن بالسعايه
الليل نجدع به وما مدوا أصوات= ولا خاشر الوعاد راعي الضوايه
واليوم شبت وتبت عن كل ما فات= وطويت عن كل الموارد رشايه
ألا يوم أذكر خطاة الخوندات = اللي مقاديمه تعدى الحضايه
أتجازي الهراج بغضاي وسكات = ولا تبين له سريرة وعايه
تصد عما قال من غير مجفاة= وتعرض بخد كن فيه المرايه
من آن في قلبي جروح خفيات= وأنا أخبر مابي سببه منايه
آية هوى ماهي بطب المداواة= أنا طبيب الروح مابي غوايه
يطري لي الهاجوس هاجوس الآفات= عرض لي المعبد على كل رايه
ماهي بدعه نلحق النفس شرهات= ناس عدوا قدمي وناس ورايه
لولاي أوسع خاطري بالتنهات= وأبصر بحالي من خلاي بخلايه
لأغدي كالمذهوب وأرمي بالأصوات= خبل على ما قيل راعي الروايه
بأهل الهوى من شارب الخمر شارات= وبهم من اللي يطرد الصيد شايه
شارات راعي الخمر فاقه وسكرات= والصيد ولعه ما على الله خفايه
لو أتمنى لي من المال غلات= لنفذ الغله وأحقق منايه
مير المقل ضعيف ما فيه نوهات= وراعي التمني مثل زراع طايه

[نـايـف الـمطيـري]

مشكووووور اخوي العبداني



تحياااتي؛؛؛
مخاوي مطير

[الحمياني]

مشكووووور

العبداني

[الـقـوس]

صــح لــســان الـشـاعــر

عبد الله ابن سبيٌل الباهلي

والله يـعـطـيـك الـعـافـيـه

اخــوي

الـعـبـدانـي

عـلـى حـسـن الاخــتـيــار

[البديري]

صــح لــســان الـشـاعــر


يــعــطــيــكـ الــعــافــيــهـ

اخــوي

الـعـبـدانـي

[ابن وايل]

بعض الكلمات مفرداتها صعبه

وهذا يدل على قوة هذا الشاعر في

توظيف بعض المفردات الصعبه بالقصيده


مشكور اخوي العبداني

[ماجد العضيله]

صح السان الشاعر

عبد الله ابن سبيٌل الباهلي

ومشكوور اخوي العبداني

على النقل الرائع