المساعد الشخصي الرقمي

مشاهدة النسخة كاملة : عبد الله بن شايق وتركي 2000 الميزاني ((محاوره قديمه ورائعه))

عقيد القصيد
24-Dec-2009, 05:32 PM
محاوره رائعه وقديمه للشاعرين الشاعرعبدالله بن شايق القحطاني
والشاعر تركي 2000الميزاني سقطت البيت الاول من المحاوره
من الشريط الكاسيت ننقلها لكم مع التحيه


تــــــــركــــــــي
سبحان رب تعالى بـرد احساسـه
من يوم مادق في الجلسات مرواسه
ياقصر دسمان حولك ناس حراسـه
والـي يـدور لهـا لابـد يلقاهـا
انا نويـت اعـرف رفيـع المقـام واعـرف وش ليلـى ومجنونـهـا
بـــــــن شـــايــــق
الليله الملعبـه يمطيـر محكومـه
والورع ذاليل نبغى ناخـذ علومـه
حضي معه قام والارزاق مقسومـه
واللـي يـدور لهـا لابـد يلقاهـا
ان كان بن شايـق وقفلـك تمـام قامـت عيونـك تمطـر مزونهـا

انا معي عود كانـك تبغـي الدقـه
وان جبتها يالمطيري باطن الرقـه
الي يسب العرب ماهو بمـن حقـه
والـي يـدور لهـا لابـد يلقاهـا
خل القمر يطلـع ويجـلا الضـلام وام الكبايـر نكـحـل عيونـهـا
تــــــــركــــــــي
يارب ستـرك تـرا منـا بوياهـا
اليا عطيتك علوم الطيـب تنساهـا
وتشوف جمر الغضا وتقوم تاطاهـا
والـي يـدور لهـا لابـد يلقاهـا
مهما حصل في العلم شرق وشـام النـاس صاحيـهـا بمجنونـهـا

عودك نرده على علبـاك ياشايـق
وان وزم العلم جبنالك ترا السايـق
الطيـق والا انتـه مابعـد طايـق
والـي يـدور لهـا لابـد يلقاهـا
الضاهـر انـك متبعـت النـضـام تبـعـت مسـتـوره وغليونـهـا
بـــــــن شـــايــــق
يالعن ابو الملعبه والله لـو تبكـي
ان كانها عايفتني قصدهـا تركـي
لاشك انا داري بنت الهوى تشكـي
والـي يـدور لهـا لابـد يلقاهـا
مـاودي اكسـر ضلوعـك حـرام الله يــرد الــروس لمتونـهـا

اخر زمن عـود الجاهـل يعلمنـي
ويبيع دينه على شانـه ويتهمنـي
وان كان هذي علومـه لايكلمنـي
والـي يـدور لهـا لابـد يلقاهـا
خلك بضهر شعيـل فـوق السنـام شاشـتـك طلعـنـا تلفزونـهـا
تــــــــركــــــــي
يالعن ابو الملعبه ان كـان تلعبهـا
الملعبه ياولـد معـروف صاحبهـا
وانتم ترا علقتكـم فـي شواربهـا
والـي يـدور لهـا لابـد يلقاهـا
انتـه تخلـط فـي حـلال وحـرام لابــو مهـمـات تعرفـونـهـا

احر زمن انته تشيل الحمل يالفنـي
ويجيك ياصاحبي في صماخك الجني
وانا معك ماعلي اضحـك وباغنـي
والـي يـدور لهـا لابـد يلقاهـا
انتـه يهـودي ماتصـوم الصيـام ددسنـك بالفـلـف دركسونـهـا
بـــــــن شـــايــــق
ياليتهم سجلوك العام فـي اللجنـه
حتى نحطك عجينت خبز منعجنـه
حاول تمشط قرونك واضهر الوجنه
والـي يـدور لهـا لابـد يلقاهـا
الضاهر انـك غـارق فـي المنـام يـادنـة طـلـعـت كربـونـهـا

معناك هـذا تسنـد بـه وتنحيبـه
والحض ذاليل يوميبـك وتوميبـه
اجمع مقاضيك والحق حرب وعتيبه
والـي يـدور لهـا لابـد يلقاهـا
يابري حالـي لا سمعـت الحمـام حتى المشاعـر هاضـت شجونهـا
تــــــــركــــــــي
انته يلـولا علـوم داخـل الصـره
والله لانشبـك واكربنـك بالحـره
والمري الليل مايطلع لـك الجـره
والـي يـدور لهـا لابـد يلقاهـا
قالـو شعيـل مجـود بالخـطـام وانـتـم حمولتـنـا تشيلونـهـا

ياطاش ماطاش ركز وافهم الكلمـه
معناي ماتفهمه في اللحن والنغمـه
وانتا ترا جاك في صـدرك الكتمـه
والـي يـدور لهـا لابـد يلقاهـا
انته يبـن شايـق تحـب الطعـام وصحونكـم مختـض صابونـهـا
بـــــــن شـــايــــق
ان كان صادق ببو عـرام قابلنـي
والله لخفسك واخفسه خفسة الجني
اتحكم اللعب حكـم ونقلبـه صنـي
والـي يـدور لهـا لابـد يلقاهـا
كـلا لشـده عنـدنـا والمـسـام اكبـودكـم ماطـابـت طعونـهـا

الورع معناه ياربعي مثـل وجهـه
يجمع علوم مـدري ويـن متجهـه
والله ضنوني تراها فيـك مشتبهـه
والـي يـدور لهـا لابـد يلقاهـا
انا مسكت البنـت مسـك الزمـام بنـت تحـط الـورع بزغونـهـا
تــــــــركــــــــي
انتا تباهـا مجامـل ميـر لايمكـن
والله لقنك واصنك داخـل المسكـن
حتى تعدل يبـن شايـق ولا تلكـن
والـي يـدور لهـا لابـد يلقاهـا
انته يبـن شايـق تحـب العضـام ميـر البضاعـه وسـط كرتونهـا
بـــــــن شـــايــــق
لو جيت بقصـاي والله ماتحملنـي
وان كان عملتـك هـذي لاتعاملـن
الله يلعنـك اذا كانـك تجاملـنـي
والـي يـدور لهـا لابـد يلقاهـا
ياشيخ كثـر الطـق فـك اللحـام ليت العرب تمشـي علـى هونهـا

عز الله اني طبق وانتا كما الشنـه
يـادان يـادان يالدنـدان يالـدنـه
لا لا تمنـن ماعهـدي لـك منـه
والـي يـدور لهـا لابـد يلقاهـا
خـلاص مايلحقـك منـي مــلام انتـا نضـر عينـي ومجنونـهـا
عبدآلآله آلمطيري
24-Dec-2009, 06:22 PM
.

.

صٍحُ لِسآنُ آبُوِ رُهِفٌ آبٍدُعِ ..

لآهٌنِتُ آخٌويِ ..

تٌحٍ ـيٍآتٌيٍ ..

.

.
ابن تويلي
24-Dec-2009, 06:24 PM
لاهنت
صح لساااااان شاعران
الأمير ابن شرار
30-Dec-2009, 09:23 PM
يعطيك الف عافيه
قحطاني نجد
30-Dec-2009, 09:25 PM
صحت السنتهم ولاهنت ياذيبان على النقل


تقبل مروري