المطيري والعتيبي

[راشد العبداني]

هي ابيات للشاعر

بندر سعد العتيبي

موجهه الى

الاخ محمد غالب المطيري

واليكم القصيده



ياراكب اللي يسبق البـرق لا فـاع=ومجهزينه مـن جميـع المطاليـب
ما دوجوبه مع هل السـوق للبـاع=ولا هندس المقرود فيه بالسكاريـب
هو غايت المطلوب للخبـت قطـاع=ماجربوه مـع المشاويـر تجريـب
فوقـه نديبـي بالمراسيـل فـزاع=يسرح ويمسي عند من يكسب الطيب
يلفي محمد ضد مـن جـاه طمـاع=تلقى الكرم عنده وتلقى التراحيـب
عطه الجواب اللي نضمناه بأسنـاع=قله بدايـة خيـر فيهـا التعاجيـب
تنصـاك ياللـي للمخليـن منـاع=حيثك زبون الي يجونك منـا جيـب
ذيب الخلا ما يمرح الليـل لا جـاع=والحر ما يسكن قصيـر المذاريـب
ريف الضيوف وعز من جاه منـلاع=من عزوةٍ ما تنحكر في المواجيـب
عدوهم يسقونه السـم فـي صـاع=قوماً على لطم المعـادي عواقيـب
ضلعاً رسا في نجد مهـوب ينـزاع=ولا ينكسر ضلعاً تعلـى المراقيـب
عزوت مطير اللي لها فعـل ينـذاع=كم واحد خلـوه يشـرب مغاريـب
وحنا عتيبـه ربعـةٍ شبرنـا بـاع=وفعولنا مهيـب تخفـى الا جانيـب
كم واحداٍ من فعلنا صابـه اصـداع=واصبح يصيح بين بيض الرعابيب
وصلاة ربي عد مـا هـب ذعـذاع=على النبي واعدا د ما يقنب الذيـب


بندر سعد العتيبي

[الـقـوس]

الله يـعـطـيـك الـعـافـيـه

اخــوي

الـعـبـدانـي

عـلـى هـذا الاخــتـيــار

وصـح لـسـان الـشـاعـر

بـنـدر سـعـد العـتـيـبـي

[ماجد العضيله]

صح السان الشاعر

بندر سعد العتيبي

ومشكوور اخوي العبداني على الاختيار الرائع

[ولد مطير]

يعطيك العافيه اخوي


تسلم

[تركي العضيله]

مشكور أخوي على القصيده الرائعه
«®°·.¸.•°°·.¸¸.•°°·.¸.•°®»العبداني«®°·.¸.•°°·.¸¸.• °°·.¸.•°®»

أخوكم تركي العضيله