فيصل بن مدعج
12-Dec-2008, 04:24 PM
طابت أوقاتكم بكل خير
متواضعة أتمنى أن ترتقي لذوائقكم
وأعتذر عن الغياب الخارج عن الإرادة ..
:
:
:
الله من تفكير بعض الناس ما تملك عقل = تحكم على المخلوق والمخلوق ماهو يمها
يدري بهذاري رؤسهم ويقول يا زين الثقل = بكره مرد العلم من رأسه لفغرة فمها
إيه الطواقي والشمغ ما ترتفع فوق العقل = وإيه الذنب والناب تحمل في طرفها سمها
وإيه المواهب علمها مقرون في علم الصقل = وإيه إختلاف الكايده في شيلها وفي همها
وإيه السعن منه اللبن والسمن يتلاه البقل = ولا لا وإيه البنت طبق الأصل صورة لأمها
وإيه المطيه ما تحب القيد وتعاف العقل = وإيه الحبل خان الرشاء ومقيط يصفق جمها
وإيه ٍ على إيه ٍ عقول الناس محتاجه رقل = وماهو خطى النيشان لا والله خطاها وزمها
العام أنا شفت الخبول اللي تناقلها نقل = واليوم في عين الخبل يشتالها ويضمها
ياللي تصدق كل شي عماك ماهو بالمقل = عماك والله بجوشنك والعقل سطحي رمها
ولى حروفي علمها تزود زود ولا تقل = ودخلت وأنا عمها وطلعت وأنا عمها
وما جيت أبرر موقفي وأنته على وضعك أقل = جيت ومشيت بعزتي وأحرقت والله دمها
لكن خلك مرتكي باذخ وتلقالك شقل = مثلك تمنى عوانته يفرح بها ويخمها
والمشكله ما حفتها لو نزقلك فيها زقل = يعني بلاش نقولها وأنته يا سامع سمها
عاد إن بغيت العلم دوك العلم وده ثم قل = فيصل يقول العلم للي فوق رأسه لمها
ولا أنا ما تلحق الشكه بنفسي والثقل = يجبر وجيه الناس لا من جيت تفتح فمها
يقولها من قال بعض الناس ناقصه العقل = لو إن بعض الناس مافكرت حتى يمها
وسلامتكم ..
:
متواضعة أتمنى أن ترتقي لذوائقكم
وأعتذر عن الغياب الخارج عن الإرادة ..
:
:
:
الله من تفكير بعض الناس ما تملك عقل = تحكم على المخلوق والمخلوق ماهو يمها
يدري بهذاري رؤسهم ويقول يا زين الثقل = بكره مرد العلم من رأسه لفغرة فمها
إيه الطواقي والشمغ ما ترتفع فوق العقل = وإيه الذنب والناب تحمل في طرفها سمها
وإيه المواهب علمها مقرون في علم الصقل = وإيه إختلاف الكايده في شيلها وفي همها
وإيه السعن منه اللبن والسمن يتلاه البقل = ولا لا وإيه البنت طبق الأصل صورة لأمها
وإيه المطيه ما تحب القيد وتعاف العقل = وإيه الحبل خان الرشاء ومقيط يصفق جمها
وإيه ٍ على إيه ٍ عقول الناس محتاجه رقل = وماهو خطى النيشان لا والله خطاها وزمها
العام أنا شفت الخبول اللي تناقلها نقل = واليوم في عين الخبل يشتالها ويضمها
ياللي تصدق كل شي عماك ماهو بالمقل = عماك والله بجوشنك والعقل سطحي رمها
ولى حروفي علمها تزود زود ولا تقل = ودخلت وأنا عمها وطلعت وأنا عمها
وما جيت أبرر موقفي وأنته على وضعك أقل = جيت ومشيت بعزتي وأحرقت والله دمها
لكن خلك مرتكي باذخ وتلقالك شقل = مثلك تمنى عوانته يفرح بها ويخمها
والمشكله ما حفتها لو نزقلك فيها زقل = يعني بلاش نقولها وأنته يا سامع سمها
عاد إن بغيت العلم دوك العلم وده ثم قل = فيصل يقول العلم للي فوق رأسه لمها
ولا أنا ما تلحق الشكه بنفسي والثقل = يجبر وجيه الناس لا من جيت تفتح فمها
يقولها من قال بعض الناس ناقصه العقل = لو إن بعض الناس مافكرت حتى يمها
وسلامتكم ..
: