المبدع ياسر التويجري

[راشد العبداني]

بسم الله الرحمن الرحيم

أترككم مع يااسر التويجري

العيـد حـق الله وعيـد الوراعيـن
والا انت عيدك عيـد نجـد العذيـه

قبل امس وامس وقبل عامٍ وعاميـن
في كل يـومٍ عيـد وانـت الهديـه

ياسيّـدي راشـد ابمدحـك ومنيـن
وانت العريب اللـي عروقـه قويـه

يكفيك عـن كـل التشابيـه ثنتيـن
دم الـخـوال وهيـبـةٍ وايـلـيـه

جاني خبـر ان العـذارا المزاييـن
تكرفعـن قـدمـك بنـيـه بنـيـه

جاني خبـر ان الفـروخ الشياهيـن
الـنـادرات القـطّـع الساحلـيـه

اللي علـى كفـك ماهيـب للحيـن
على كفـوف اللـي لهـم مقدريـه

وش لك عذر وابوك لو يصدف الدين
يوجه عليـه مـن العطـا مدفعيـه

عبدالعزيز ابوك ماهو عـن الفيـن
مافيـه اصـلاً بالمخاليـق زيــه

ياسيّدي راشـد ابوصيـك بأمريـن
لو انـت مانـت بحاجـةٍ للوصيـه

احفظ ابوك اللي على العسر والليـن
سمـحٍ لـقـاه ومـدتـه حاتمـيـه

اللي عطاك العز مـن عـزة الديـن
وأضفى عليـك الشهـرة العالميـه

وحافظ على مجدٍ بنـوه العزيزيـن
عمره مهوب سنين لـه فـوق ميـه

وابطلبـك طلبـة عزيـزٍ مسيكيـن
ماله جـدى ياكـود جاهـك و فيـه

ذكّر ابـوك ان الرجـال الاصيليـن
مايملكـون الا بطـيـب السجـيـه

وهـو ملكنـي والله الوالـي يعيـن
في صحبته في حشمته فـي العطيـه

قله وسمني مثـل وسـم البعاريـن
وياحلـو ميسامـه وياطعـم كـيـه

[ماجد العضيله]

صح السان الشاعر الكبير ياسر التويجري

ومشكوور اخوي العبداني على النقل

[الـقـوس]

صـح لـسـان الـشـاعـر

يـاسـر الــتـويـجـري

ويـسـتـاهـل الامـيـر راشــد

مـشـكـور

اخــوي

الـعـبـدانـي