.. .. الحــــب .. و .. الكره .. بين الشعراء .. ..

[ولدعتيبة]

الســـــــــلام عليكم ورحمة الله وبركاته

حيالله الشباب جمــــيع ..

من خلاال متابعتي للساحة الشعبية والمحاورات خصوصا

وتركي ألفين تحديدا ..

لاحظت ميل بعض الشعراء لبعض وكره بعض الشعراء للبعض الآخر ..

فمن هذي الملاحظات :

ميل تركي 2000 إلى عبدالعزيز العازمي ..

وهذا يتضح جليا في محاورتين :

الي يقول فيها وش رايك تخاويني ونمشالطريق

وانتهع صديق مامثلك صديق

لوجاك منهم سوء حنا نعتذر

وغيرها هذا المحاورة عندي بالفديو ..

والمحاورة الثانية الي يقول تركي :

أبدع الطاروق ياعبدالعزيز ..

والصراحة عبدالعزيز صوته تمام وشاعر معنى مبدع

ودي لو يسوي ثنائيات مع تركي ..

_ _ _ __ __ __ __ _ __ _ _ __ _ _ _ _

كره فهد العازمي وتركي :

يالربع لاحظت كره عجيب بين تركي وفهد ولاحظوا كل محاوراتهم سب

وتحقير من كلا الجانبين وأتوقع بدايتها صدمة تركي من كلام فهد البذيئ

في المحاورة القديمة الراس مرفوع ..

فتلاحظ تركي يقول عباررات مثل كذا :

لاكن نظف يدينك لامسكت الخشوم

ياشين هرجك ياولد نعيم شيناه ..

وغيرها كثير ..

__ _ __ __ _ _ ___ __ __ _ __ __ __

ثنائيات تركي وملفي :

هذا معروف عند الجميع أكثر محاورات تركي مع ملفي

وانا مستغرب من هذا الشي بس الله يوفقهم

وانا الصراحة احلا المحاورات محاوراتهم لأنها تحس فيها

أخوة بين عتيبة ومطير ( ماتوافقوني ) ؟؟

_ _ _ __ _ _ _ _ __ _ _ _ _ __ _ _ _ _ _ _ __

الكره القائم بين تركي وسلطان االجلاوي :

تركي لعب مع سلطان تقريبا مرتين بس لكن الصراحة سلطان ردوده قوية

معن كلامه مهب طيب وسبب الكره معروف وهو تهجم الجلاوي على تركي وغيره ..

_ _ _ _ _ _ _ _ _ _ _ _ _ _ _ _ _ _ _ _ __ __ _

لكن يبقى سؤال ليش تركي مايلعب مع سفر ؟؟

مع العلم لعب معه تقريبا مرتين وكانت حريقه ..

هذا الموضوع اجتهدت فيه وسامحوني على الأخطاء وياليت توضحون لنا علاقات الشعراء مع احترامنا لهم جميعا ..

أخوكم : ولدعتيبة - الزلفي

[الشريف كوم]

مشكوووووووووووووور
تقبل مروري؟؟؟؟؟؟؟؟

[سيـف مطيـر]

كره فهد العازمي وتركي :
الـغـيـرة من جـمـاهـيـرة تـركـي الـغـفـيـرـة



الصراحة سلطان ردوده قوية

وجـهـة نـظـرك نحترمها لاكـن اسأل اهل العرف والشياب عن محاورة تركي وسلطان وإنت تعرف

لكن يبقى سؤال ليش تركي مايلعب مع سفر ؟؟
صحح معلوماتك تركي لعب مع سفر عدة مرات
بعديـن سـفـر وتـركـي طلعوا لساحة تقريباً سوا
حيث تركي طلع 1412
وسـفـر 1413
يعني تقريباً متقاربين وهذا معناهـ المنـافـسـة

واللـه يـوفـقـهـم

[ولدعتيبة]

مشكوووووووووووووور
تقبل مروري؟؟؟؟؟؟؟؟


مرورك عسل يالغالي .. حياك

[ولدعتيبة]

الـغـيـرة من جـمـاهـيـرة تـركـي الـغـفـيـرـة

وش غيرته يابوي خلك طبيعي



وجـهـة نـظـرك نحترمها لاكـن اسأل اهل العرف والشياب عن محاورة تركي وسلطان وإنت تعرف

ياخوي كلن يشجع ولد عمه وكلن يباه الزين تاخذ علم منين وتخلي مين .. صح ولا لا؟؟

وانا اشوف محاورة متكافأة 100 بال100


صحح معلوماتك تركي لعب مع سفر عدة مرات
بعديـن سـفـر وتـركـي طلعوا لساحة تقريباً سوا
حيث تركي طلع 1412
وسـفـر 1413
يعني تقريباً متقاربين وهذا معناهـ المنـافـسـة

واللـه يـوفـقـهـم

انا كتبت فوق مرتين او ثلاث اقرى الكلام كامل لو سمحت ..



يالغالي ماحنب بحلبة مصارعة بشويش بشويش ..

وماقصرت على المرور

[سعود العضيله]

يآ ولد عتيبـه



تابـع الساحه الشعبيه وتعرف ليه يكرهون تـركـي إلميـزإني


لنه (.............) ؟ بدون ما أقولـه معروفه

سلام !

[تركي الصعيري]

ياولد عتيبه (تـــــركـــــــــــي2000)

((((مــــــــــــــــــــــلك المحـــــــــــــــــــاوره))))


تقبل مروري

[W W W]

كلامك على الراس يالغالي

لكن ليه ركزت على شعراء عتيبه خصوصا
هل هو تسليط الضوء عليهم ام انك لاترى بالساحه سواهم

طالع مثلا
محاورات تركي وابن مشيط داااااائم ناجحه % ودايم كلن يمدح الثاني
تحس بروح جميله جدا بينهم

محاوات تركي والقرقاح دااايم مووولعه بس كالعاده مع ابتسامه من شاعرنا المبدع ومن المبدع القرقاح تبين الروح الحلوه اللي بينهم

محاورات تركي والسناني هنااااا المعنى والاحترام والمذهل

محاورات تركي وابن رحمه قويه وماحد يرحم اخوه:)

محاورات تركي وفواز العزيزي حلوووه وبدون مشاكل << يمكن عشانهم كلهم مطران:o

<< انا اتكلم عن تركي لانه منتداه

بالنسبه لسفر دايم محاوراتهم ممتاااااااازه وناريه لكن قليله
كذلك محاورات تركي وحبيب فيها اثاره دايم

وقناعتي الشخصيه وبدون عنصريه
( وجود تركي2000 باي حفله سبب نجاحها بالتاكيد )

مشكوور يابن الهيلا على الموضوع
والاخوه اللي بين عتيبه ومطير ماتزعزعها شعر وكلام يقال
تبقى علاقة القرابه والنسب والدم والصداقه اللي بيننا مميزه بين القبائل ومعروفه

تحياتي

[W W W]

سعود العضيله

تركي الصيعري

حبايبنا شفيكم على الرجال ماقال شي

الموضوع للمناقشه مو تقطون كلمه كنا بنتهاوش وتطلعون

خبرت اللي مو عاجبه الموضوع مايرد ,, فيه اسلوب للنقاش فديتكم :)

[! a7mad !]

سعود العضيله

تركي الصيعري

حبايبنا شفيكم على الرجال ماقال شي

الموضوع للمناقشه مو تقطون كلمه كنا بنتهاوش وتطلعون

خبرت اللي مو عاجبه الموضوع مايرد ,, فيه اسلوب للنقاش فديتكم :)



هذا الكلام الصح . وهذا الموضوع للنقاش فقط . واتمنى الا يتعدى الى اكثر من ذلك .

[ماجد الميموني]

هذا الكلام الصح . وهذا الموضوع للنقاش فقط . واتمنى الا يتعدى الى اكثر من ذلك .


لأن ابو عطا الله مجندلهــــــــــــــــــــــــم:D

[نادر المشـرافي]

الله يعطيك العافيه أخوي ولد عتيبه

انا ابي اعلق على موضوعك لو سمحت :)

_ _ _ __ _ _ _ _ __ _ _ _ _ __ _ _ _ _ _ _ __

الكره القائم بين تركي وسلطان االجلاوي :

تركي لعب مع سلطان تقريبا مرتين بس لكن الصراحة سلطان ردوده قوية

معن كلامه مهب طيب وسبب الكره معروف وهو تهجم الجلاوي على تركي وغيره ..



_ _ _ _ _ _ _ _ _ _ _ _ _ _ _ _ _ _ _ _ __ __ _

أنت تقول ردود سلطان قويـه ؟!؟!؟!

شف شف معااي محاورة تركي وسلطان ...

سلطان الجلاوي


الليل ياتركي عطالله سرا الليل

احزم حزامك واتعب الجيش والخيل

بيني وبينك زان سوق الفناجيل

ياعنك مايزعل من الحق رجال

يالمطيري تقدم واحتزم فالمسير .... والمسيرة ياتركي عاوين ذيبها

طاح من راس ضلع طويق شاعر مطير.... وعزوته للاسف موفت مطاليبها



تركي 2000

عطني علومك كلها يالجلاوي

واحسب حسابك في جميع الدعاوي

وعرف هقاوي مبعدين الهقاوي

ياعنك مايزعل من الحق رجال

فيه للشر شر وفيه للخير خير ... في مشاريقها ولا مغاريبها

مايطيح المطيري لوعظمة كسير ... مير جيب العلوم الثانية جيبها


سلطان الجلاوي

انا علومي يالمطيري تسرك

وحينا ياتركي لاوالله تضرك

لكن خيرك جعله يزيد شرك

ياعنك مايزعل من الحق رجال

انت مالك عن الواقع منير ومطير ... تشره اللحية الشمطا فاشانيبها


كل واحد بسكينة لا طاح البعير .... وفي يدي بندقي وعرف مضاريبها


تركي 2000

مامنك ياسلطان غير المسرة

ولا المضرة منت راعي مضرة

لكن ثوبك بالازارير زره

ياعنك مايزعل من الحق رجال

رحت كلك مصايب يالزمان الاخير ... راس بقعا تلوى في عراقيبها

لاتنوش الخطر والوقت وقتاً خطير ... رد بعض الثياب الي تصليبها


سلطان الجلاوي

خصمي ليا شفته نفخ في ذروبه

والله لاضيق قدم وجه دروبه

ياشاعرن ماعرف تفصال ثوبه

ياعنك مايزعل من الحق رجال


في يدي ياولد ميزان سيفن شطير ... كان نارك تلاحق في مشاهيبها

انت طبعن عن المطران جاين سفير .... مار عينك من العتبان وشيبها


تركي 2000

انته شمالك يصطفق في جنوبك

والمشكله ضيقت فوقك دروبك

والناس كلن شاف تفصيل ثوبك

ياعنك مايزعل من الحق رجال


ابن شيبان سيفك رجعه فالجفير ... لاتجيك الذيابة من مراقيبها

انت منت سفير ولاطبعن مدير ... غير سبحتك فالحفلة توميبها


سلطان الجلاوي

ثوبي على قدي وثوبك مضوق

لكن طعني يالمطيري وروق

قدام تسري يالمطيري معوق

ياعنك مايزعل من الحق رجال

انت مالك من سلاحي مطير ومنير ... والله انك من عتيبة لتسريبها

الجلاوي غناوي وانت طبعن فقير ... خل عنك العصاة الي تواميبها


تركي2000

مدام ردت للعلاوم الدقاقة

انت وانا معاد حنا رفاقة

حطيت دقنك تحت موس الحلاقة

ياعنك مايزعل من الحق رجال

شوفلك يالجلاوي من عتيبة شوير ... انت يكفيك فالدنيا تجاريبها
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ
ردود سلطان كلها ضعيفه وفيها تكرار ...؟!

كرر كلمة ( توميبها ) << مع أن تركي قايلها ..

وماعندهـ الأ مطير ومنير ومنير ومطير ...:)

أخــي ولد عتيبه انت قلت ردود سلطان قويــه

أعتقد أنه خانك التعبيــر ..:)

نقطه أخيـــره ...

أنت تقوول ,,

ميل تركي 2000 إلى عبدالعزيز العازمي ..

وهذا يتضح جليا في محاورتين :

الي يقول فيها وش رايك تخاويني ونمشالطريق

حنا عارفين وش معنا أبو رهـــف ...;)


هذا اللي حبيت أعلق عليه


وتبقى انت أخ وعزيز .. وحياك الله في منتدى شاعر الوطن تركي بن عطا الله

تحياتي ...:)

[محب لمطير]

هذا الموضوع من احلى المواضيع التي فتحت للنقاش لانه دائما يبدر في الذهن او الي اشوفه من خلال ساحة الشعر والمتداول بين الناس على مستوى الخليج بشكل عام وش الي بين عتيبه ومطيردائما محاوراتهم نار وشرارهل هو حسد جمهره يعني كثرة الجمهور لاحد الطرفين ام صادره من علاقه قويه بين القبيلتين وهذا مايستبعده الجميع.وشكرا

[ابو شيخه]

احترامي لك يا ولد عتيبه سلطان الجلاوي شاعر اخربت الساحه الشاعريه اجل



والشاعر سفر جيد لعبه

[سعود العضيله]

تــركــي إلـمـيزإنـي


هــاجــدهــم


إرررحــم يآقـآسـىى


خرإبوه

[مطيري عفيف]

لا تعليـــــــــــــــــــــــــــــق

[سيـف مطيـر]

يالغالي ماحنب بحلبة مصارعة بشويش بشويش ..



أخـي الـكـريـم ولـد عتـيـبـة انــت فتـحـت الـمـوضـوع لـنـقـاش
يـعـنـي أنـا مـاوضعـت الـنـقـاش لأجـل احـول الـمـوضـوع إلــىآ حـلـبـة مـصـارعـة علىآ قـولـتـك
فـانت أخـو وعـزيـز ومـن قـبـيـلـة عـزيـزة علىآ قـلـوبـنـا...
والإختلاف فـي الـرأي لا يـفـسـد للـوّد قـضـيـة ...

دمــت بــكـل وّد

[عبد الرحمن المصعبي]

كلامك صحيح بيض الله وجهك

[فارس من مطير]

مشكووووووور اخوي

صح تركي مالعب مع سفر لاكن معروفه ومحسومه من قبل ماتجي

وتقبل مروري

[مـهـاجر]

مشكور


أخوي: ولد عتيبه...

أنا رأيي من رأي نادر المطيري...


وأعتقد وفا وكفا بالتفصيل..


على العموم أتمنى أن لاتخرج الردود عن حدود أدب الحوار والنقاش والاسنضطر آسفين لقفل

الموضوع..

[اسمي]

تقبل مروووري ياولد عتيبه
ولكن مو معناه ان المحاوره إذا فيها سب ان الشعراء مايحبون بعض بالعكس شف محاورات تركي وملفي_ وتركي وحبيب
كل واحد يعطي الثاني على راسه ومافيه أجمل من محاوراتهم وعلاقتهم مع بعض.
وأنتم ياعتيبه ويامطير عينين في راس واحد
بس ليت الله يفككم من بعض الوراعين الملقف.

تحيااااااااتي

[ولدعتيبة]

الســــــــــــــــلام عليكم

معليه يالربع مارديت عليكم بسرعة كنت فالمستشفى ,,

أعذروني ..

[ولدعتيبة]

يآ ولد عتيبـه



تابـع الساحه الشعبيه وتعرف ليه يكرهون تـركـي إلميـزإني


لنه (.............) ؟ بدون ما أقولـه معروفه

سلام !


لأنه ايش ........؟

على قولت خويك مجندلهم ...؟

والله ماعرفنا للناس إذا رحنا للقحاطين قالوا القرقاح اقوى واحد محد ياقف بوجهه وبن شايق الملك وإذا رحت لجهينه قال محمد محد يعدية وغيرهم وغيرهم ..

ليش مانحكم بأنفسنا مب من غيرنا وترديد كلام الناس ..

انا إذا جا شاعر وسكت شاعر عتيبي اقر بها الشي ماقول لا عتيبي محد يسكته ..

هذا واقع ياشباب وتركي شاعر مثل غيره وله جمهور غفير ومحبوب وصونه عذب لكن يبقى بشر يخطي مثل غيره ومرات يتفوق ومرات يبدع ومرات يسكت الشعار ومرات يخطي ..

صح ولا لا ...

خلـــــــــــــــــونا واقعيــــــــــــيين

ونبقا احــــــــــــــــــــــــــبه وخوان

[ولدعتيبة]

ياولد عتيبه (تـــــركـــــــــــي2000)

((((مــــــــــــــــــــــلك المحـــــــــــــــــــاوره))))


تقبل مروري


مشكور على المعلومة ياخوي ..

والموضوع للمناقشة

[ولدعتيبة]

كلامك على الراس يالغالي

لكن ليه ركزت على شعراء عتيبه خصوصا
هل هو تسليط الضوء عليهم ام انك لاترى بالساحه سواهم

طالع مثلا
محاورات تركي وابن مشيط داااااائم ناجحه % ودايم كلن يمدح الثاني
تحس بروح جميله جدا بينهم

محاوات تركي والقرقاح دااايم مووولعه بس كالعاده مع ابتسامه من شاعرنا المبدع ومن المبدع القرقاح تبين الروح الحلوه اللي بينهم

محاورات تركي والسناني هنااااا المعنى والاحترام والمذهل

محاورات تركي وابن رحمه قويه وماحد يرحم اخوه:)

محاورات تركي وفواز العزيزي حلوووه وبدون مشاكل << يمكن عشانهم كلهم مطران:o

<< انا اتكلم عن تركي لانه منتداه

بالنسبه لسفر دايم محاوراتهم ممتاااااااازه وناريه لكن قليله
كذلك محاورات تركي وحبيب فيها اثاره دايم

وقناعتي الشخصيه وبدون عنصريه
( وجود تركي2000 باي حفله سبب نجاحها بالتاكيد )

مشكوور يابن الهيلا على الموضوع
والاخوه اللي بين عتيبه ومطير ماتزعزعها شعر وكلام يقال
تبقى علاقة القرابه والنسب والدم والصداقه اللي بيننا مميزه بين القبائل ومعروفه

تحياتي



أخوي انا اسمي ولد عتيببة وشعار عتيبة هم اقرب شعار لي ..

وبعدين اكثر الي يقابلهم تركي عتبان بتقول لاتراه يقابل القرقاح والرياحي وابن مشيط وغيرهم ,,

بس الصراحة محاوراته مع العتبان لها طعم خاص معن فيها شوية الفاظ ماهي زينه ..

ومن ناحية تسليط الضو عليهم هم تراهم مسلط عليهم الضو من زمان لكن كلن وهواه واختياره من الشعراء ..
شف انا عتيبي واحب تركي ماتصير مع مطيري يحب حبيب مثلا ؟؟

شف ياخوي انا الشعراء القطريين مثل ابن رحمة وبن مشيط مع احترامي لهم يجيبون لي الكآبة معن لهم جمهور ولهم معجبين لكن كلن وهواه وماجازلي من محاورات تركي وبن مشيط إلى : دولة قطر تشهد نمو إقتصادي ...

وابن رحمة : أول الأيام تركي ولد طيب وزين ...

ومن ناحية القرقاح شاعر محترم وشاعر معنى جزاه الله خير بس فيه شوية عظمة والشي راجعله وله محبية وكلن على هواه ..

وأحلا محاوراته مع تركي : إن قام ابن قرقاح ولا ابن قحطان : حماسية جدا ..

السناني شاعر معنى محترم بس صوته مع احترامي يجيب الهم ..

وتركي وفواز كلهم مبدعين ولا علاهم قصور ..

وانا ماخصصت تركي إلل لأنه منتداه ولافيه علاقات خارج نطاق تركي عندك مثلا :

حبيب يقول : أفضل مستور محاورا ورشيد ناظما ..

حبيب وحمود السمي بينهم ثناءيات كثيرة ..

وغيرهم هذا ماحضرني الآن ..

ومن ناحية وجود تركي بأي حفلة سبب نجاحها ,,

أنا اوافقك فأنا ما أرتاح بحفلة دون صوت تركي الزكي فيها ..

وماقصرت ياخوي ويعطيك ربي الف عافية ,,

تقبل تحياتي

[ولدعتيبة]

سعود العضيله

تركي الصيعري

حبايبنا شفيكم على الرجال ماقال شي

الموضوع للمناقشه مو تقطون كلمه كنا بنتهاوش وتطلعون

خبرت اللي مو عاجبه الموضوع مايرد ,, فيه اسلوب للنقاش فديتكم :)



اخوي وانت صادق ,,

وتقبل تحية وفا على كامل إحترامك ياخوي ,,

محبك : ولد عتيبة

[ولدعتيبة]

هذا الكلام الصح . وهذا الموضوع للنقاش فقط . واتمنى الا يتعدى الى اكثر من ذلك .


الله يجزاك خير ياخوي ماقصرت ..

[ولدعتيبة]

لأن ابو عطا الله مجندلهــــــــــــــــــــــــم:D


ســــــــــــــــــــم ,,

ممكن ياخوي تعطينا قائمه بالي جندلهم ..؟

وهل تعرف اصلا معنا جندلهم ...؟

الموضوع للنقاش فقط خارج حدود الجندله . . . !

[ولدعتيبة]

الله يعطيك العافيه أخوي ولد عتيبه

انا ابي اعلق على موضوعك لو سمحت :)



أنت تقول ردود سلطان قويـه ؟!؟!؟!

شف شف معااي محاورة تركي وسلطان ...


ردود سلطان كلها ضعيفه وفيها تكرار ...؟!

كرر كلمة ( توميبها ) << مع أن تركي قايلها ..

وماعندهـ الأ مطير ومنير ومنير ومطير ...:)

أخــي ولد عتيبه انت قلت ردود سلطان قويــه

أعتقد أنه خانك التعبيــر ..:)

نقطه أخيـــره ...

أنت تقوول ,,



حنا عارفين وش معنا أبو رهـــف ...;)


هذا اللي حبيت أعلق عليه


وتبقى انت أخ وعزيز .. وحياك الله في منتدى شاعر الوطن تركي بن عطا الله

تحياتي ...:)


أنت ياخوي افهم قوية من اي ناحية .....,,

والظاهر فهمت قصدي ,,

أخوي مافهمت وش تقصد بعارفين ابورهف .

ومن ناحية تكرار الكلام مهب اول واحد يكرر تركي كرر بمحاورته مع رشيد الزلامي كرر كلمة تسريبها الظاهر معن قايلها رشيد ..

التكرار لو تبي تتصيد بتتصيد على الكثير ,,

والف شكر لك على المشاركة ..

[ولدعتيبة]

هذا الموضوع من احلى المواضيع التي فتحت للنقاش لانه دائما يبدر في الذهن او الي اشوفه من خلال ساحة الشعر والمتداول بين الناس على مستوى الخليج بشكل عام وش الي بين عتيبه ومطيردائما محاوراتهم نار وشرارهل هو حسد جمهره يعني كثرة الجمهور لاحد الطرفين ام صادره من علاقه قويه بين القبيلتين وهذا مايستبعده الجميع.وشكرا


هو الأصل قوة علاقة ومتانة بين القبيلتين العظيمتين والدليل على ذلك آخر تحالف قبلي الي كان بين عتيبة ومطير تحت شعار الآخوان تحت سلطان بن بجاد وفيصل الدويش ,,

لكن الي حصل فيه ملاقيف وملاعين من قبايل ثانية حرشوا وكتبوا في المنتديات بسم عتيبة ومطير واشعلوا النار ..

وحنا من وراهم على بالنا حمية ,,

اي حمية المفروض اي موضوع استفزازي محد يرد عليه ..

وماقصرت ياخوي وتقبل تحياتي

[ولدعتيبة]

احترامي لك يا ولد عتيبه سلطان الجلاوي شاعر اخربت الساحه الشاعريه اجل



والشاعر سفر جيد لعبه


مدري كلامك مافهمته لكن اتوقع انك قاعد تقيم شعراء ,,

اخوي اذا تقييمك كذا اقترح تحتفظ فيه بين جنبات قلبك حفظك الله ..

[ولدعتيبة]

تــركــي إلـمـيزإنـي


هــاجــدهــم


إرررحــم يآقـآسـىى


خرإبوه


أخوي الموضوع للمناقشة فقط التشجيع فالملعبة وملعب الكورة فقط ,,

[ولدعتيبة]

لا تعليـــــــــــــــــــــــــــــق


مرورك كافي ,,

حيـــــــــــــــــاكـــ أخوي ..

[ولدعتيبة]

أخـي الـكـريـم ولـد عتـيـبـة انــت فتـحـت الـمـوضـوع لـنـقـاش
يـعـنـي أنـا مـاوضعـت الـنـقـاش لأجـل احـول الـمـوضـوع إلــىآ حـلـبـة مـصـارعـة علىآ قـولـتـك
فـانت أخـو وعـزيـز ومـن قـبـيـلـة عـزيـزة علىآ قـلـوبـنـا...
والإختلاف فـي الـرأي لا يـفـسـد للـوّد قـضـيـة ...

دمــت بــكـل وّد


وانت صادق حياك يالغالي ...

[ولدعتيبة]

كلامك صحيح بيض الله وجهك


حيـــــــــــــاكــــ الله

[ولدعتيبة]

مشكووووووور اخوي

صح تركي مالعب مع سفر لاكن معروفه ومحسومه من قبل ماتجي

وتقبل مروري


حياكـــ اخوي ,,

وتركي لعب مع سفر 3 مرات ومن ناحية محسومة اظنك غلطان سفر نار

[ولدعتيبة]

مشكور


أخوي: ولد عتيبه...

أنا رأيي من رأي نادر المطيري...


وأعتقد وفا وكفا بالتفصيل..


على العموم أتمنى أن لاتخرج الردود عن حدود أدب الحوار والنقاش والاسنضطر آسفين لقفل

الموضوع..


حيــــــــاكــ يامشرفنا منور بطلتكــ ,,

ولا انشالله ماهنا طلوع عن ادب الحوار دام الربع رياجيل ..مطران ..

[! a7mad !]

الله يجزاك خير ياولد عتيبه صراحه اعجبتني .
انا احب الانسان اللي يتكلم بحياديه وصدق وبدون تعصب

لافض فـــــــــــــــــــــــــــوك

العوووووفي

[ولدعتيبة]

تقبل مروووري ياولد عتيبه
ولكن مو معناه ان المحاوره إذا فيها سب ان الشعراء مايحبون بعض بالعكس شف محاورات تركي وملفي_ وتركي وحبيب
كل واحد يعطي الثاني على راسه ومافيه أجمل من محاوراتهم وعلاقتهم مع بعض.
وأنتم ياعتيبه ويامطير عينين في راس واحد
بس ليت الله يفككم من بعض الوراعين الملقف.

تحيااااااااتي


اكيد اخوي كلامك على الراس ,,

لكن فيه سب عن سب ..

ومن ناحية الوراعين اخذهم الله مسوين زحمة !!

وحياك ماقصرت على مرورك وتعليقك ..

[ولدعتيبة]

الله يجزاك خير ياولد عتيبه صراحه اعجبتني .
انا احب الانسان اللي يتكلم بحياديه وصدق وبدون تعصب

لافض فـــــــــــــــــــــــــــوك

العوووووفي


الله يجزاك خير ياخوي ,,

لكن الوضع وانت شايف هالملقف الي يبون يفرقون بين عتيبة ومطير ,,

تصدق انا بني عمي وأهلي ينادوني المطيري !!

قسم بالله من كثر ماحب تركي واسمع قصايدة ومحاوراته ..

حتى المصري الي يشتغل بمكتب الشعراء عندنا كل ماجيته سألته عن الجديد لتركي قال انت مطيري ؟؟

قلت لايارجال انا عتيبي
قال عتيبي ؟؟
قلت ايه
قال غريبة العتبان مايحبون تركي

" شفت كيف المصري يعرف بالي بيننا !! "

وهو الصراحة مب شي كبير لكن لو الله يفكنا من هالملقف نعيش مبسوطين

" والصراحة ياخوي انا حبييتك بعد وشرواك الطيب والطيبين "

تقبل مروري يالغالي

[W W W]

هو الأصل قوة علاقة ومتانة بين القبيلتين العظيمتين والدليل على ذلك آخر تحالف قبلي الي كان بين عتيبة ومطير تحت شعار الآخوان تحت سلطان بن بجاد وفيصل الدويش ,,

لكن الي حصل فيه ملاقيف وملاعين من قبايل ثانية حرشوا وكتبوا في المنتديات بسم عتيبة ومطير واشعلوا النار ..

وحنا من وراهم على بالنا حمية ,,

اي حمية المفروض اي موضوع استفزازي محد يرد عليه ..

وماقصرت ياخوي وتقبل تحياتي


صح السانك ولافظ فوووك

الاعلام والشبكه العنبوتيه والشات << جميعا مبسوووط على المهزله الللي صايره بين عتيبه ومطير والسبب ملاعين من قبايل ثانيه + مراهقين القبيلتين

والا وين الاعلام عن هالتحالف اللي صار

شف انا مطيري ولا دريت عنه ؟؟ لو انه مشكله بيننا كا شفته خبر بكل مكان

لكن الله يهدي الجميع ,, ويكثر العقال شرواك والموجودين

[فتى هذيل]

لا الاه الا الله

هذا الموضوع متى جا توني اشوفه صدق اني راقد يؤؤ

انا حاس بيجي فوضه بالمنتدى :o

ياعرب قفلوا الموضووووع قفلوه يؤؤ

اخوي ولد عتيبه كلن له وجهت نضر

ولاتزعل على اخوانك ترا الحماس مسيطر عليهم وكل واحد يشوف شاعر

قبيلته احسن من الثاني مثلي انا ياخوكم اشوف نفسي شاعر هذيل وشاعر

الوطن >>>> انت اكتب بيتين ويصير خير :D

ياخوي تركي شاعر والعازمي شاعر وسفر شاعرو العزيزي شاعر وفتى

هذيل شاعر >>>>> كل الدعوه شعااااار :)

يعني كل العالم شعاااااااااااااار >>> والله اني اهذري

على كل حال اللي ابي اقوله اخوي لاتزعل من خوياك

مطير وعتيبه عينين في راس ولاهانت القبايل كلها

كلنا من امة محمد

والرسول عليه الصلاة والسلام قال ( دعوها فانها نتنه ) ويقصد العصبيه القبليه

وسلامتك

وتقبل مروووووووووووري

ومثل ماقالوا الاختلاف في الراي لايفسد للود قضيه

وبيني وبينك ياخوي محد مجندل الشعار غيري:cool: :D

[محب لمطير]

اخوي ولد عتيبه بيض الله وجهك وماقصرت والدعوى كلها نقاش وبيض الله وجيه الجميع الي شاركوا.
بس عندي وجهت نظر وقد ادلى بها احد المشاركين ولكن ما اخذناها بعين الاعتبار الا وهي الحميه القبليه وهي في الحقيقه سلاح ذو حدين ولا يعرف يتصرف فيها الاالعاقل الذي لايميت هاذي الحميه ولاينجر الى عواطفه القبليه .
اما الي مايتعصب لاي شاعر من اي قبيله الا اذا شاف ابداعه فهاذي ما تحصلها الا عند متذوقة الشعر كما قال الدكتور غسان .
واخيرا توضيح ملاحظه قريت لك فوق انك قلت اهل قطر وذكرت ابن مشيط ترى ابن مشيط الظاهر انه اماراتي مو قطري . ولكم جزيل الشكر

[ولدعتيبة]

صح السانك ولافظ فوووك

الاعلام والشبكه العنبوتيه والشات << جميعا مبسوووط على المهزله الللي صايره بين عتيبه ومطير والسبب ملاعين من قبايل ثانيه + مراهقين القبيلتين

والا وين الاعلام عن هالتحالف اللي صار

شف انا مطيري ولا دريت عنه ؟؟ لو انه مشكله بيننا كا شفته خبر بكل مكان

لكن الله يهدي الجميع ,, ويكثر العقال شرواك والموجودين

ياخوي كفيت ووفيت ,,

أسلوبك الصراحة يروق لي ..

حنا ماعلينا من التحالف الي صار ,,

صار ماصار والله يرحم الي فاتوا ..

لكن كان له دلالات منها :

أن عتيبة ومطير من أكبر القبائل ..

أن عتيبة ومطير من أقوى القبائل ..

أن عتيبة ومطير أفكارهم حول بعض وكذلك طموحاتهم ..

أن عتيبة ومطير بينهم علاقات جوار ونسب وديارهم متداخلة ..

ويعطيك العافية ياخوي ماقصرت ,,

أخوكــ: ولدعتيبة

[ولدعتيبة]

لا الاه الا الله

هذا الموضوع متى جا توني اشوفه صدق اني راقد يؤؤ

انا حاس بيجي فوضه بالمنتدى :o

ياعرب قفلوا الموضووووع قفلوه يؤؤ

اخوي ولد عتيبه كلن له وجهت نضر

ولاتزعل على اخوانك ترا الحماس مسيطر عليهم وكل واحد يشوف شاعر

قبيلته احسن من الثاني مثلي انا ياخوكم اشوف نفسي شاعر هذيل وشاعر

الوطن >>>> انت اكتب بيتين ويصير خير :D

ياخوي تركي شاعر والعازمي شاعر وسفر شاعرو العزيزي شاعر وفتى

هذيل شاعر >>>>> كل الدعوه شعااااار :)

يعني كل العالم شعاااااااااااااار >>> والله اني اهذري

على كل حال اللي ابي اقوله اخوي لاتزعل من خوياك

مطير وعتيبه عينين في راس ولاهانت القبايل كلها

كلنا من امة محمد

والرسول عليه الصلاة والسلام قال ( دعوها فانها نتنه ) ويقصد العصبيه القبليه

وسلامتك

وتقبل مروووووووووووري

ومثل ماقالوا الاختلاف في الراي لايفسد للود قضيه

وبيني وبينك ياخوي محد مجندل الشعار غيري:cool: :D


الله يهداك ياخوي ..

عز الله انك راقد حتى بالموضوع >>>:D :D أمزح معك لاتزعل

الموضوع لوتقراه كامل تعرف شالمقصود الكلام موعلى شاعرية الشعراء الشعراء مافيهم كلام كان الموضوع عن العلاقة بين تركي وغيره من الشعراء من خلال مشاهدتي ,,

ولكن تحول الموضوع للعلاقة بين القبيلتين العريقتين <<:cool:

ويعطيك الف عافية على المشاركة

[الـعـانـي]

العقل يتكلم والجماهريه تفصل
مستحيل فيه شاعر اكثر من جماهرية تركي

[ولدعتيبة]

اخوي ولد عتيبه بيض الله وجهك وماقصرت والدعوى كلها نقاش وبيض الله وجيه الجميع الي شاركوا.
بس عندي وجهت نظر وقد ادلى بها احد المشاركين ولكن ما اخذناها بعين الاعتبار الا وهي الحميه القبليه وهي في الحقيقه سلاح ذو حدين ولا يعرف يتصرف فيها الاالعاقل الذي لايميت هاذي الحميه ولاينجر الى عواطفه القبليه .
اما الي مايتعصب لاي شاعر من اي قبيله الا اذا شاف ابداعه فهاذي ما تحصلها الا عند متذوقة الشعر كما قال الدكتور غسان .
واخيرا توضيح ملاحظه قريت لك فوق انك قلت اهل قطر وذكرت ابن مشيط ترى ابن مشيط الظاهر انه اماراتي مو قطري . ولكم جزيل الشكر

وجهك ابيض ياخوي ومن يقرا ,,

كلامك صحيح ياخوي العصبية القبلية ليست غرض في الشعر ولكن تستخدم لمكاسب للشاعر نفسه فقط وهذه انانية من الشاعر فهو لايهتم إلافي نفسه فقط دون النضر في الآثار المترتبة على غيره ,,

يعني الشاعر إذا بغى جماهير وصور ويطلع بالجرايد يضرب على الوتر الحساس وهو الطعن في القبايل ,,

أصل الشعر هو المعنى والجمهور يتبع الشاعر قوي المعنى سريع الرد لكن الواقع الحالي إتباع شاعر القبيلة حتى لوكان ماهو شاعر بس لأنه من قبيلتي ,,

وطبعا الإنسان يهمه قوة قبيلته وقوة شعرائها فيكون من وجهة نظره دعم شاعره بكل مايستطيع ليكون اقوى من شعراء القبائل الأخرى ..

وبالنسبة لبن مشيط أنا والله مدري وشي ديرته لكنه من طقة ابن رحمة وهو في قائمة الحظر عندي <<يؤؤ

وبيض الله وجهك ياخوي ماقصرت ..

أخوك : ولدعتيبة

[محب لمطير]

ياولد عتيبه انا اشوف ان غالبية الشعراء مالهم اي ذنب في الي يصير في الساحه من مهاترات وملقف وراعين وغيره وغيره .........................
بغض النظرعن الي الكلام يدور حولهم، يجي الشاعرللمحاوره ويرد على ماسمع من الشاعر الاخرحتى مايكون موقفه ضعيف ولانه مافيه شك لا فيه ولافي قبيلته ولا في الشاعر الاخر شك لا فيه ولافي قبيلته ولكن المشكله هو ماقد يحصل بعد المحاوره من الشباب الي مازال الحماس هو الي يقودهم .وهاذي حلها واحد فقط وهو الله يسلمك ان الشعراء مايتعرضون للامورالقبليه الفضه في محاوراتهم ابدا ويستبدلونها في مناقشة احوال الامه سواء من ارتفاع الاسعار او هبوط الاسهم وغيرها مواضيع الدنيا كثيره..........................
اما بالنسبه لكلامك الي قلت فيه (ابن مشيط من طقة ابن رحمه) فمثل هذا الكلام ما يطلع من عاقل مثلك لانه طلع منك بصيغة استهزاء ليش:
لانهم مو من عتيبه او من مطير!!!!!!!!!!!!!!
او لانهم مو سعوديين!!!!!!!!!!!!!!!!!!!!!!!!!!!
اما كلامك عليهم حظر فهاذي وجهة نظرولك الحق فيها لانه قد ماتعجبك محاوراتهم.
وشكرا اخوك محب لمطير

[ولدعتيبة]

العقل يتكلم والجماهريه تفصل
مستحيل فيه شاعر اكثر من جماهرية تركي


أبــــــــــكـ يالعاني هذا ماله دخل بالكلام الي نقوله ,,

وإن كان كلامك صحيح ..

[ولدعتيبة]

ياولد عتيبه انا اشوف ان غالبية الشعراء مالهم اي ذنب في الي يصير في الساحه من مهاترات وملقف وراعين وغيره وغيره .........................
بغض النظرعن الي الكلام يدور حولهم، يجي الشاعرللمحاوره ويرد على ماسمع من الشاعر الاخرحتى مايكون موقفه ضعيف ولانه مافيه شك لا فيه ولافي قبيلته ولا في الشاعر الاخر شك لا فيه ولافي قبيلته ولكن المشكله هو ماقد يحصل بعد المحاوره من الشباب الي مازال الحماس هو الي يقودهم .وهاذي حلها واحد فقط وهو الله يسلمك ان الشعراء مايتعرضون للامورالقبليه الفضه في محاوراتهم ابدا ويستبدلونها في مناقشة احوال الامه سواء من ارتفاع الاسعار او هبوط الاسهم وغيرها مواضيع الدنيا كثيره..........................
اما بالنسبه لكلامك الي قلت فيه (ابن مشيط من طقة ابن رحمه) فمثل هذا الكلام ما يطلع من عاقل مثلك لانه طلع منك بصيغة استهزاء ليش:
لانهم مو من عتيبه او من مطير!!!!!!!!!!!!!!
او لانهم مو سعوديين!!!!!!!!!!!!!!!!!!!!!!!!!!!
اما كلامك عليهم حظر فهاذي وجهة نظرولك الحق فيها لانه قد ماتعجبك محاوراتهم.
وشكرا اخوك محب لمطير


كلامك كله ياخوي عسل في عسل ,,

المشكلة أن اكثر الجماهير ودها بالتعصب في الشعر لأنه مقهور من الشاعر الفلاني عشانه سب قبيلته فتشوفه يبي شاعره يسب ذيك القبيلة عشان يصورالمقطع وينشره كرد إعتبار ,,

ومن ناحية ابن رحمة وبن مشيط << بالعكس شعار كبار أكن لهم كل إحترام وتقدير وكلامي هذا في باب المزح لأني قلت قبل أكن للاهم قمة الإحترام والتقدير ..

وقلت انت ان عشانهم مب سعوديين .. بالعكس انا عندي احب ناس غير سعوديين أكثر من السعوديين <<الي غير محترم طبعا >>

وتقبل مروري ياخوي ,,

وأشكرك على نقاشك المحترم ..

[محب لمطير]

اشكرك اخوي ولد مطير على حسن الرد الملبس بالاخلاق الكريمه وهذا من اصالتك وبيض الله وجهك وارق سنود على مايقولون.

[محب لمطير]

تعمدت قول ولد مطير لان كلامك اقنعني ان مافيه مشاكل بين عتيبه ومطير وانا في صف اخوانك يوم يقولون لك( يالمطيري).وشكرا

[محسن الشطيطي]

صراحه لو ابي امر على المنتديات كلها اللي فيها تساب بين مطير وعتيبه اكتشف ان اكثرهم اعمارهم صغيره

المحاوره هذي حلاوتها بين مطير وعتيبه

مثلها بين الهلال والنصر

[ولدعتيبة]

اشكرك اخوي ولد مطير على حسن الرد الملبس بالاخلاق الكريمه وهذا من اصالتك وبيض الله وجهك وارق سنود على مايقولون.


الله يجزاك خير ياخوي ,,

وشروايك الطيب ومن يقرا ..

وتقبل تحياتي وإحترامي ..

[ولدعتيبة]

تعمدت قول ولد مطير لان كلامك اقنعني ان مافيه مشاكل بين عتيبه ومطير وانا في صف اخوانك يوم يقولون لك( يالمطيري).وشكرا

مطيـــــــــــــــــر قبيلة عريقة أبا عن جد ومن يغلط عليها فهو غلطان على عتيــــبة وكل القبايل ,,

أنا الله يسلمك عتيبي أبا عن جد ولو كان هناك من يشكك في ذلك فأقول أنا عتيبي روقي أسعدي من الفراهيد في الـــــــــــــــزلفي ,,

والزلفي تراها ديرة الملفــــي ..

ونا كل الكلام الي كتبته وبا أكتبه عشان اعبر عن اصالتي وأصالة رجال مطير وعتيبة وكلن يفتخر بالإنتماء لهذه القبيلتين العظيمتين ,,

صدق تركي يوم قال :

ترا المطران والعتبان دولة مع طرف دولة

وكلن تعرف أمجاده وكلن تعرف سلومه:cool: ,,

يعطيك ألف عافية أخوي محب مطير على نقاشك الرائع وتقبل تحياتي وإعجابي ,,

أخـــــوكـ : ولدعــــــــتيبة

[ولدعتيبة]

صراحه لو ابي امر على المنتديات كلها اللي فيها تساب بين مطير وعتيبه اكتشف ان اكثرهم اعمارهم صغيره

المحاوره هذي حلاوتها بين مطير وعتيبه

مثلها بين الهلال والنصر


الصراحـــــــــــــة / كلامك صحيح المراهقين والصغار والبزران من القبيلتين أو المندسين من قبائل أخرى يضنون أن لم يكن قبلهم ولابعدهم شجعان إلا هم فتشوفه يقرا التاريخ ويشوف هزايم شيخ القبيلة وإنتصاراته ويبي يعوض النقص بإنتصارات وهمية وخيالية عن طريق الكلام ,,

طيب الرجولة بالأفعال ..

وإن دل هذا فيدل على ان مطير وعاتبة بلامنازع أشهر وأقوى أكثر القبائل العربية لأن المحاربين هما الناجحين :cool:

والهلال والنصر مثل ماقلت ماصار بينهم ماصار إلا لأنهم بوادي وباقي الفرق ترزح بوادي ثاني :D

والله يجزاك خير ماقصرت ..

[W W W]

تنويه يالربع ؛

ابن مشيط شاعر سعودي ومن سكان الاحساء

مو قطري ولا اماراتي

<< وانا من المعجبين فيه وبصوته الشجي

شكرا لصاحب الموضوع مره ا.خ.ر.ى