الـقـوس
06-May-2007, 04:00 AM
يامل قلب يفك الهم ويخمه =خمة عجوز ولدها بين روحيني
قدام تزهق حياته قال يايمه=ثم إصفقت من عظيم الوجد كفيني
طاحت على صدره اللي واقف دمه=يوم اذهنت جرت الونه بصوتيني
قامت تخمخم يديه وجودة كمه=تبيه وافخت وزاد الهم هميني
وعلى النعش يوم قفو به بني عمه= طاحت وقامت وهامت والهيم شيني
تدوي على ثوبه المنطول وتشمه=تسقي جفاف الشحوب بدمعة العيني
من حر فرقاه ما تمشي على يمه=ولا تعرف الاحد من يوم الاثنيني
وما ترقد الليل من حزنه ومن همه=والقلب كنه يطعن فالسكاكيني
كن المعزي يشوف عيونها يمه= تغيب وتذهن الى جوها المعزيني
وجابولها اللي قرا بالمصحف وتمه=يقرا عليها من القرآن ياسيني
وأنا مع الناس كني من ورى الجمه=الناس عندي ولا ادري من يحاكيني
واهني بالعلم لكن كيف ما ضمه= الله اعلم وين هاجوسي موديني
ارد على اليمه ضامي واشرب الجمه=عليك ياللي توردني وتضميني
وتشوف حالي عقب ماطبت من سمه=ودواي بيديك لكن ما تداويني
اما وفا والوفا تبرى به الذمه=ولا جفا والجفا موت يباريني
الـشـاعـر / راشــــد بـن جـعـيـثـن
قدام تزهق حياته قال يايمه=ثم إصفقت من عظيم الوجد كفيني
طاحت على صدره اللي واقف دمه=يوم اذهنت جرت الونه بصوتيني
قامت تخمخم يديه وجودة كمه=تبيه وافخت وزاد الهم هميني
وعلى النعش يوم قفو به بني عمه= طاحت وقامت وهامت والهيم شيني
تدوي على ثوبه المنطول وتشمه=تسقي جفاف الشحوب بدمعة العيني
من حر فرقاه ما تمشي على يمه=ولا تعرف الاحد من يوم الاثنيني
وما ترقد الليل من حزنه ومن همه=والقلب كنه يطعن فالسكاكيني
كن المعزي يشوف عيونها يمه= تغيب وتذهن الى جوها المعزيني
وجابولها اللي قرا بالمصحف وتمه=يقرا عليها من القرآن ياسيني
وأنا مع الناس كني من ورى الجمه=الناس عندي ولا ادري من يحاكيني
واهني بالعلم لكن كيف ما ضمه= الله اعلم وين هاجوسي موديني
ارد على اليمه ضامي واشرب الجمه=عليك ياللي توردني وتضميني
وتشوف حالي عقب ماطبت من سمه=ودواي بيديك لكن ما تداويني
اما وفا والوفا تبرى به الذمه=ولا جفا والجفا موت يباريني
الـشـاعـر / راشــــد بـن جـعـيـثـن