الذيب الاشهب
26-Jun-2008, 08:30 PM
هذي القصيده لها سالفه وانا ودي اوضح السالفه قبل القصيده
السالفه أن واحد من الربع شاعر وكان جالس فالديوانيه عندي وأتصل عليه واحد من ربعه وقال ياأبو فلان بسمعك قصيده لي توني كتبتها وأبيك تعطيني رايك فيها قاله خويي تفضل وقبل لا يبدأ فالقصيده فتح خويي ميكرفون الجوال وصرت أسمع القصيده والقصيده صراحه ماتسمى قصيده لأنه مافيه ولا بيت موزون وبعد ماخلص من القصيده قال خويي صح لسانك وماقصرت على الابيات الطيبه (مجامله له عشان مايزعل) وسكر السماعه
وبعد ماسكر ترجلت في أبيات وقلت :
يامل قلب سهرنه طواريه=من حر ماشافه بتالي زمانه
ياهيه ياشعار ياهيه ياهيه=الشعر حدر في شعيب المهانه
إما أنقذوا شعر النبط من معاديه= وإلا ترا الموروث لخبط كيانه
موروثنا ماهو بكوره وباليه=موروثنا عالي مع القوم شانه
حامت عليه صقور ندرّ وتبغيه=وأزرت وهي تعرف بقو الذهانه
واليوم جاه عوير وصوير يشريه=ويقول أنا ياقوم ممسك عنانه
وقامت بعد ورعان قامت تغنيه=وهروجهم يادان دانه ودانه
مير أسمحولي شعرنا اليوم برثيه=قوموا أحفروا قبره وصلوا وزانه
وروحوا ليا البستان نبغا نعزيه=واجب نعزيه ونغني عشانه
قولوا هذا دربٍ ولابد نمشيه=والعبد لابده يحصل مكانه
هذا كلام اللي تهيض بخافيه=من حر ماشافه بتالي زمانه
السالفه أن واحد من الربع شاعر وكان جالس فالديوانيه عندي وأتصل عليه واحد من ربعه وقال ياأبو فلان بسمعك قصيده لي توني كتبتها وأبيك تعطيني رايك فيها قاله خويي تفضل وقبل لا يبدأ فالقصيده فتح خويي ميكرفون الجوال وصرت أسمع القصيده والقصيده صراحه ماتسمى قصيده لأنه مافيه ولا بيت موزون وبعد ماخلص من القصيده قال خويي صح لسانك وماقصرت على الابيات الطيبه (مجامله له عشان مايزعل) وسكر السماعه
وبعد ماسكر ترجلت في أبيات وقلت :
يامل قلب سهرنه طواريه=من حر ماشافه بتالي زمانه
ياهيه ياشعار ياهيه ياهيه=الشعر حدر في شعيب المهانه
إما أنقذوا شعر النبط من معاديه= وإلا ترا الموروث لخبط كيانه
موروثنا ماهو بكوره وباليه=موروثنا عالي مع القوم شانه
حامت عليه صقور ندرّ وتبغيه=وأزرت وهي تعرف بقو الذهانه
واليوم جاه عوير وصوير يشريه=ويقول أنا ياقوم ممسك عنانه
وقامت بعد ورعان قامت تغنيه=وهروجهم يادان دانه ودانه
مير أسمحولي شعرنا اليوم برثيه=قوموا أحفروا قبره وصلوا وزانه
وروحوا ليا البستان نبغا نعزيه=واجب نعزيه ونغني عشانه
قولوا هذا دربٍ ولابد نمشيه=والعبد لابده يحصل مكانه
هذا كلام اللي تهيض بخافيه=من حر ماشافه بتالي زمانه